కదిరిలో మద్దిలేరు వాగుపై ఆక్రమణలు, చర్యలు శూన్యం
కదిరి పట్టణానికి ఆనుకొని సుమారు ఐదు కిలోమీటర్ల మేర విస్తరించిన మద్దిలేరు వాగు ఆక్రమణలతో కుంచించుకుపోతోంది. వాణివీధి శిర్డీసాయిబాబా మందిరం వెనుక నాలుగుచోట్ల శిథిల వ్యర్థాలతో వాగును పూడ్చేశారు; అందులో మున్సిపాలిటీ తాగునీటి బోరు కూడా ఉంది. తిప్పానమ్మ కాలువ కొంతభాగం మురుగు కాలువగా మారింది. గతంలో నీటిపారుదల, రెవెన్యూ అధికారుల సర్వేలో ఆక్రమణలు గుర్తించినా చర్యలు లేవు. 2020 భారీ వర్షాలకు పదుల ఇళ్లు మునిగాయి. సర్వే చేయించి చర్యలు తీసుకుంటామని ఏఈ మహేశ్ తెలిపారు.