సంగం మండలం సిద్ధిపురంలో అంగన్వాడీ ఉత్సవ కార్యక్రమం
నెల్లూరు జిల్లా సంగం మండలం సిద్ధిపురం గ్రామంలో బీజేపీ, టీడీపీ కూటమి నాయకుల ఆధ్వర్యంలో అంగన్వాడీ ఉత్సవ కార్యక్రమం నిర్వహించారు. బీజేపీ రాష్ట్ర పార్టీ ఆదేశాల మేరకు చేపట్టిన ఈ కార్యక్రమంలో అంగన్వాడీ సిబ్బంది సీహెచ్. లక్ష్మమ్మ, సుభాషిణి, పి. సుబ్బలక్ష్మి, అమూల్యలను శాలువాలతో సన్మానించారు. చిన్నారులకు విద్యాబోధనతో పాటు పోషకాహారం, ప్రాథమిక సంరక్షణ సేవలు అందిస్తున్న సిబ్బంది సేవలను గుర్తించడమే లక్ష్యమని నాయకులు తెలిపారు. బీజేపీ నాయకులు మనోహర్ రెడ్డి, నరేంద్ర యాదవ్, టీడీపీ నాయకుడు సూరా శ్రీనివాసులు రెడ్డి, సూరా కృష్ణారెడ్డి పాల్గొన్నారు.