‘సర్‌’ రద్దు, సీఈసీ రాజీనామా వరకు పోరాటం: రేవంత్‌
ప్రజాస్వామ్య పరిరక్షణ కోసం ప్రతిపక్ష నేత రాహుల్‌గాంధీ చేస్తున్న పోరాటంతో కేంద్ర ప్రభుత్వం వణికిపోతోందని తెలంగాణ ముఖ్యమంత్రి రేవంత్‌రెడ్డి మంగళవారం ఓ ప్రకటనలో పేర్కొన్నారు. ‘సర్‌’ రద్దు, సీఈసీ జ్ఞానేశ్‌కుమార్‌ రాజీనామా చేసేవరకు కాంగ్రెస్‌ విశ్రమించబోదని స్పష్టంచేశారు. రాహుల్‌ పోరాటంలో ప్రజలు, యువత స్వచ్ఛందంగా భాగస్వాములవుతున్న విషయాన్ని కేంద్రం గుర్తించాలన్నారు. దిల్లీలో రాహుల్‌గాంధీ, ప్రియాంకా గాంధీలను పోలీసులు అరెస్టు చేసిన పరిణామాల నేపథ్యంలో ఆయన బుధవారం ఉదయం దిల్లీకి పయనమవుతున్నట్లు, పార్టీ అగ్రనేతలతో సమావేశమవుతారని సమాచారం.