ఏపీలో గూఢచర్యం కుట్ర ఛేదన: 13 మంది నేవీ సిబ్బందిపై నిఘా
పాకిస్థాన్‌కు రక్షణ రహస్యాలు చేరవేస్తున్న నెట్‌వర్క్‌ను ఏపీ కౌంటర్‌ ఇంటెలిజెన్స్‌ సెల్‌ 'ఆపరేషన్‌ ఫైర్‌వాల్‌-2026' పేరిట ఛేదించింది. 13 మంది నావికాదళ సిబ్బంది సహా 18 మందిపై నిఘా ఉంచి, ఈనెల 1న 12 ప్రత్యేక బృందాలతో 10 రాష్ట్రాలు, కేంద్రపాలిత ప్రాంతాల్లో ఏకకాలంలో సోదాలు జరిపి ఇద్దరిని అరెస్ట్‌ చేసింది. విశాఖపట్నం కేంద్రంగా ఎన్‌క్రిప్టెడ్‌ సాఫ్ట్‌వేర్‌ ద్వారా సమాచారం చేరుతోందని గుర్తించారు. విజయవాడ కౌంటర్‌ ఇంటెలిజెన్స్‌ పీఎస్‌లో బీఎన్‌ఎస్‌, యూఏపీఏ 1967, అధికారిక రహస్యాల చట్టం 1923 కింద 3 కేసులు నమోదు చేశారు.