హైదరాబాద్‌లో రెండు రోజుల డ్రంక్ అండ్ డ్రైవ్‌లో 380 కేసులు
రోడ్డు ప్రమాదాల నివారణ లక్ష్యంగా హైదరాబాద్ ట్రాఫిక్ పోలీసులు అక్టోబర్ 2, 3 తేదీల్లో నిర్వహించిన ప్రత్యేక డ్రంక్ అండ్ డ్రైవ్ తనిఖీల్లో 380 మంది వాహనదారులపై కేసులు నమోదు చేశారు. వారిలో 343 మంది ద్విచక్ర వాహనదారులు, 12 మంది ఆటో డ్రైవర్లు, 25 మంది నాలుగు చక్రాల వాహనదారులు. అధికారిక గణాంకాల ప్రకారం BAC 51-100 స్థాయిలో 167 కేసులు, 300 పైన 3 కేసులు నమోదయ్యాయి. మద్యం తాగి వాహనం నడపడాన్ని సహించబోమని, తనిఖీలు కొనసాగుతాయని పోలీసులు తెలిపారు.