ఏడాదిలోపే ఇందిరమ్మ టవర్స్‌ ఇళ్ల తాళాలు: పొంగులేటి
క్యూర్‌ పరిధిలో పైలట్‌ ప్రాజెక్టుగా చేపట్టిన ఇందిరమ్మ ఇళ్ల టవర్స్‌ నిర్మాణాలను పూర్తి చేసి ఏడాదిలోపే లబ్ధిదారులకు తాళాలు అందిస్తామని రెవెన్యూ, హౌసింగ్‌ మంత్రి పొంగులేటి శ్రీనివాసరెడ్డి తెలిపారు. మేడ్చల్‌ మల్కాజిగిరి జిల్లా కుత్బుల్లాపూర్‌ నియోజకవర్గంలోని గాజులరామారంలో మంగళవారం మంత్రి శ్రీధర్‌బాబు, ఎమ్మెల్యే కె.పి.వివేకానంద్‌తో కలిసి ఆయన శంకుస్థాపన చేశారు. గడువుకు నెల ముందు పూర్తిచేస్తే రూ.45 లక్షలు, రెండు నెలల ముందు పూర్తిచేస్తే రూ.90 లక్షల ప్రోత్సాహకం ఇస్తామన్నారు. 7,000కు పైగా దరఖాస్తుల్లో 5,218 మంది అర్హులు కాగా, తొలివిడతగా 480 మందిని లాటరీ ద్వారా ఎంపిక చేశారు.