శబ్ద నియమాలు పాటిస్తే అజాన్‌కు అడ్డు రావద్దు: అల్లాహాబాద్ హైకోర్టు
సహారన్‌పూర్‌లోని ఆయేషా మసీదులో రోజుకు ఐదు సార్లు అజాన్ చేసే పిటిషనర్ల హక్కుకు పోలీసులు, జిల్లా యంత్రాంగం అడ్డు రావద్దని అల్లాహాబాద్ హైకోర్టు ఆదేశించింది. శబ్ద కాలుష్య (నియంత్రణ) నియమాలు 2000, లౌడ్‌స్పీకర్లపై హైకోర్టు 2020 తీర్పును కచ్చితంగా పాటిస్తామని నోటరీ అఫిడవిట్‌తో హామీ ఇవ్వాలని షహనవాజ్ ఖాన్ సహా ఆరుగురు పిటిషనర్లను జస్టిస్ అజిత్ కుమార్, జస్టిస్ గరిమా ప్రసాద్ ధర్మాసనం ఆదేశించింది. హామీ ఉల్లంఘిస్తే చట్టప్రకారం చర్యలు తీసుకోవచ్చని కోర్టు స్పష్టం చేసింది.