స్థానిక ఎన్నికల్లో వైఎస్సార్‌సీపీ విజయమే లక్ష్యం: మధుసూదన్ రెడ్డి
రాబోయే స్థానిక సంస్థల ఎన్నికల్లో వైఎస్సార్‌సీపీ విజయం సాధించేలా ప్రతి కార్యకర్త సమష్టిగా పనిచేయాలని మాజీ ఎమ్మెల్యే బియ్యపు మధుసూదన్ రెడ్డి పిలుపునిచ్చారు. శ్రీకాళహస్తి పట్టణంలోని పార్టీ కార్యాలయంలో ఆయన అధ్యక్షతన మండల విస్తృత స్థాయి సమావేశం జరిగింది. ఈ సందర్భంగా నాయకులు, కార్యకర్తలకు ఐడీ కార్డులు పంపిణీ చేశారు. కూటమి ప్రభుత్వం నుంచి బెదిరింపులు వచ్చినా భయపడాల్సిన అవసరం లేదని, తాను అండగా ఉంటానని చెప్పారు. 2029 ఎన్నికల్లో వైఎస్ జగన్‌మోహన్ రెడ్డిని ముఖ్యమంత్రిగా గెలిపించడమే లక్ష్యమని అన్నారు.