మేడిపల్లిలో నగల దుకాణంలో రూ.2 కోట్ల బంగారం చోరీ
హైదరాబాద్‌ శివారు మేడిపల్లి బుద్ధనగర్‌లోని క్యారెట్‌లేన్‌ ఫ్రాంచైజీ నగల దుకాణంలో సోమవారం తెల్లవారుజామున ఐదు నిమిషాల్లో రూ.2 కోట్ల విలువైన 1.4 కిలోల బంగారు, వజ్రాభరణాలు చోరీ అయ్యాయి. ఏడుగురు దుండగులు తెల్లని వస్త్రాన్ని షట్టర్‌కు అడ్డుపెట్టి, అలారం వైర్లు కత్తిరించి, ఆరు షోకేసులు పగులగొట్టి 580 ఆభరణాలతో ఆటోలో పరారయ్యారని సీసీ కెమెరా దృశ్యాల ఆధారంగా పోలీసులు తెలిపారు. ఇది రాజస్తాన్‌ ముఠా పనిగా అనుమానిస్తున్నారు. ఆటోడ్రైవర్‌ను ప్రశ్నిస్తున్నారు.