నల్ల సముద్రంలో నౌకపై రష్యా డ్రోన్ల దాడి: జెలెన్‌స్కీ
నల్ల సముద్రంలో మొక్కజొన్న లోడ్‌తో వెళ్తున్న తుర్కియే సరకు రవాణా నౌకపై రెండు రష్యన్‌ డ్రోన్లు దాడి చేశాయని ఉక్రెయిన్‌ అధ్యక్షుడు జెలెన్‌స్కీ 'ఎక్స్‌'లో ఆరోపించారు. నౌకలో భారతీయులు, అజర్‌బైజాన్‌ పౌరులు ఉన్నారని, మంటలు చెలరేగి కెప్టెన్‌ మృతి చెందారని, 11 మంది సిబ్బందిని రక్షించారని తెలిపారు. ఆహార భద్రత కోసం రష్యాపై ఒత్తిడి అవసరమన్నారు. రొమేనియా తీరానికి 55 కి.మీ. దూరంలో ఓ వాణిజ్య నౌకలో అగ్నిప్రమాదంలో ఇద్దరు మృతి చెందారని, 11 మందిని రక్షించారని, నౌక మునిగిపోయిందని ఆ దేశ అధికారులు చెప్పారు. రెండూ ఒకే నౌకా అనేది స్పష్టత రావాల్సి ఉంది.