వాటర్ బోర్డు పేరుతో సైబర్ మోసాలపై జలమండలి హెచ్చరిక
తమ అధికారుల పేరుతో సైబర్ మోసగాళ్లు నీటి బిల్లులు, బకాయిలు, కనెక్షన్ తొలగింపు పేరిట సంప్రదిస్తున్నారని హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డు (జలమండలి) సోమవారం వినియోగదారులను హెచ్చరించింది. తెలియని వ్యక్తులు పంపే లింక్‌లు, ఏపీకే ఫైల్స్ డౌన్‌లోడ్ చేయొద్దని, స్క్రీన్ షేరింగ్ లేదా రిమోట్ యాక్సెస్ ఇవ్వొద్దని ఎండీ కె అశోక్ రెడ్డి అధికారిక ప్రకటనలో తెలిపారు. ఓటీపీ, యూపీఐ పిన్, కార్డు నంబర్లు, సీవీవీ, పాస్‌వర్డ్‌లు పంచుకోవద్దని, అధికారిక మార్గాల్లోనే బిల్లులు చెల్లించాలని సూచించారు. అనుమానాస్పద లావాదేవీలపై బ్యాంకును, సైబర్ క్రైమ్ అధికారులను సంప్రదించాలని, ఆధారాలు భద్రపరచాలని కోరారు.