తిరుపతి జిల్లాలో రాయల్ ఎన్‌ఫీల్డ్ ప్లాంట్‌కు పర్యావరణ అనుమతి
తిరుపతి జిల్లా సత్యవేడు మండలంలోని వానెల్లూరు, రాళ్లకుప్పం గ్రామాల్లో రాయల్ ఎన్‌ఫీల్డ్ యూనిట్-5 ఏర్పాటుకు ఐషర్ మోటార్స్‌కు రాష్ట్ర పర్యావరణ ప్రభావ మదింపు సంస్థ అనుమతి ఇచ్చింది. తమిళనాడు వెలుపల కంపెనీకి ఇది తొలి ప్లాంట్. 1.49 లక్షల చదరపు మీటర్ల నిర్మిత ప్రాంతం, మొత్తం ప్రాజెక్టులో 25.27 శాతం అంటే 9.29 హెక్టార్లలో పచ్చదనం అభివృద్ధి చేయాలి. రూ.2,500 కోట్ల వరకు పెట్టుబడితో ఏటా తొమ్మిది లక్షల మోటార్‌సైకిళ్ల ఉత్పత్తి, సుమారు 15,000 ఉద్యోగాలు లక్ష్యం.