కరీంనగర్‌లో కర్ర, ఇటుకతో కొట్టి హత్య; భార్య, కుమారుడు లొంగుబాటు
కరీంనగర్‌ జిల్లా మానకొండూరు మండలం గట్టు దుద్దెనపల్లిలో ఓ వ్యక్తి హత్యకు గురయ్యాడు. పోలీసుల వివరాల ప్రకారం, గ్రామానికి చెందిన టప్ప రమేశ్‌ (42) ఆటో డ్రైవర్‌గా పనిచేస్తున్నాడు. కుటుంబ కలహాల నేపథ్యంలో భార్య సుమలతతో గొడవలు కొనసాగుతున్నాయి. సోమవారం అర్ధరాత్రి దాటిన తర్వాత మళ్లీ గొడవ జరగడంతో మొదట కుమారుడు కర్రతో, తర్వాత సుమలత ఇటుకతో రమేశ్‌ తలపై కొట్టారు. తీవ్ర గాయాలతో ఆయన మృతి చెందాడు. ఇద్దరూ మానకొండూరు పీఎస్‌లో లొంగిపోయారు. సీఐ శ్రీలతం, ఎస్సై తిరుపతి మృతదేహాన్ని పోస్టుమార్టంకు ప్రభుత్వాసుపత్రికి తరలించారు.