రాజపురంలో సన్న వడ్లకు క్వింటాలుకు రూ.3,450 ధర
భద్రాద్రి కొత్తగూడెం జిల్లా అన్నపురెడ్డిపల్లి మండలం రాజపురంలో వానాకాలం సాగు చేసిన సన్న వడ్లకు క్వింటాలుకు రూ.3,450 ధర లభించింది. గ్రామానికి చెందిన రైతు పుచ్చకాయల గణపతిరెడ్డి 6 ఎకరాల్లో 12368 రకం సన్న వడ్లు సాగు చేశారు. ముందస్తు నాట్ల కారణంగా అక్టోబర్ తొలివారంలోనే పంట కోతకు రావడంతో మంగళవారం ఎకరం కోత చేశారు. ఎకరానికి సుమారు 30 క్వింటాళ్ల దిగుబడి వచ్చింది. ప్రైవేట్ వ్యాపారులు పోటీ పడ్డారు. సన్న వడ్లకు ప్రభుత్వం రూ.2,461 మద్దతు ధర, రూ.500 బోనస్‌తో కలిపి రూ.2,961 చెల్లిస్తోంది. అంటే రూ.489 అదనం.