బొబ్బిలి పారిశ్రామిక వాడలో అగ్నిప్రమాదం, ఇద్దరు కార్మికులకు గాయాలు
విజయనగరం జిల్లా బొబ్బిలి పారిశ్రామిక వాడలోని బెర్రిఫెర్రో అల్లాయిస్ పరిశ్రమలో అగ్నిప్రమాదం జరిగింది. పరిశ్రమలోని బ్రాయిలర్ నుంచి ఒక్కసారిగా మంటలు ఎగిసిపడటంతో భారీగా పొగలు వ్యాపించాయి. ఈ ఘటనలో ఇద్దరు కార్మికులు గాయపడినట్లు సమాచారం. తోటి కార్మికులు వారిని బయటకు తీసుకొచ్చి ఆసుపత్రికి తరలించారు, వైద్యులు చికిత్స అందిస్తున్నారు. మంటలు ఇతర ప్రాంతాలకు వ్యాపించకుండా సిబ్బంది చర్యలు చేపట్టారు. ప్రమాదానికి గల కారణాలు ఇంకా తెలియరాలేదు. అధికారులు వివరాలు సేకరిస్తున్నారు. కార్మికుల భద్రతపై ఆందోళనలు వ్యక్తమవుతున్నాయి.