మహాలక్ష్మి పథకం: మూడు నెలల్లో 35.65 కోట్ల మహిళల ప్రయాణాలు
తెలంగాణలో మహాలక్ష్మి ఉచిత బస్సు పథకం కింద మూడు నెలల్లో ఆర్టీసీ బస్సుల్లో 35.65 కోట్ల (3,565.11 లక్షల) మహిళల ప్రయాణాలు నమోదైనట్లు టీజీఎస్‌ఆర్టీసీ ఎండీ నాగిరెడ్డి వెల్లడించారు. గత ఏడాది ఇదే కాలంలో 34.67 కోట్ల (3,467.91 లక్షల) ప్రయాణాలు నమోదయ్యాయి. అంటే అదనంగా 97.20 లక్షల ప్రయాణాలు పెరిగాయి. ఆగస్టులో 48.27 లక్షల అదనపు ప్రయాణాలు నమోదయ్యాయి. రద్దీకి అనుగుణంగా హైదరాబాద్, కరీంనగర్, వరంగల్, నల్గొండ, ఖమ్మం, కొత్తగూడెం, నిజామాబాద్, ఆదిలాబాద్ ఇంటర్ డిస్ట్రిక్ట్ మార్గాల్లో అదనపు సర్వీసులు నడుపుతున్నారు. పథకం కింద రాష్ట్ర బాలికలు, మహిళలు, ట్రాన్స్‌జెండర్లకు పల్లె వెలుగు, ఎక్స్‌ప్రెస్ బస్సుల్లో ఉచిత ప్రయాణం ఉంది.