విద్యుత్ ట్రూఅప్ ఛార్జీలపై ఆందోళనకు బీఆర్ఎస్ హెచ్చరిక
నవంబర్ బిల్లు నుంచి వినియోగదారుల నుంచి వసూలు చేయనున్న రూ.5,240 కోట్ల ట్రూఅప్ విద్యుత్ ఛార్జీలను వెంటనే ఉపసంహరించాలని బీఆర్ఎస్ ప్రభుత్వాన్ని డిమాండ్ చేసింది. మంగళవారం తెలంగాణ భవన్‌లో మాజీ మంత్రి టి.హరీశ్ రావు మాట్లాడుతూ, నిర్ణయం వెనక్కి తీసుకోకపోతే ఆందోళన చేపడతామని, వామపక్షాలతో సహా ఇతర ప్రతిపక్షాలు కూడా కలిసి రావాలని కోరారు. 2016-2022 మధ్య టీజీఈఆర్‌సీ ప్రతిపాదించిన రూ.12,718 కోట్ల ట్రూఅప్ ఛార్జీలకు కేసీఆర్ అంగీకరించలేదని ఆయన గుర్తు చేశారు.