ఏపీలో నాలుగు కొత్త పోలీస్ కమిషనరేట్ల ఏర్పాటుకు ఉత్తర్వులు
ఆంధ్రప్రదేశ్‌లో గుంటూరు, రాజమహేంద్రవరం, కర్నూలు, తిరుపతి పరిధిలో నాలుగు కొత్త పోలీస్ కమిషనరేట్ల ఏర్పాటుకు రాష్ట్ర ప్రభుత్వం ఉత్తర్వులు జారీ చేసింది. హోం శాఖ సోమవారం జారీ చేసిన ఉత్తర్వుల ప్రకారం, ఈ కమిషనరేట్లకు డీఐజీ లేదా ఐజీ స్థాయి సీనియర్ అధికారులు నేతృత్వం వహిస్తారు. ప్రతి కమిషనరేట్ పరిధి, పోలీస్ స్టేషన్లు, భౌగోళిక ప్రాంతాల వివరాలను ఉత్తర్వుల్లో పొందుపరిచారు. అవసరమైన సిబ్బంది, మంజూరైన పోస్టుల వివరాలను హోం శాఖ సిద్ధం చేసింది. ఉత్తర్వుల తర్వాత కమిషనర్ల నియామకం, సిబ్బంది కేటాయింపు ప్రక్రియ ప్రారంభం కావచ్చని భావిస్తున్నారు.