వరంగల్‌ జిల్లాలో స్కూల్‌ బస్సు ఢీకొని మూడేళ్ల బాలుడి మృతి
వరంగల్‌ జిల్లా నెక్కొండ మండలం పిట్టకాలుబోడు తండాలో బుధవారం ఉదయం ప్రైవేటు పాఠశాల బస్సు ఢీకొనడంతో మూడేళ్ల బాలుడు మృతి చెందాడు. గ్రామానికి చెందిన రమేశ్‌-అఖిల దంపతుల చిన్న కుమారుడు రాహుల్‌ ఇంటి ముందు ఆడుకుంటూ, రోడ్డుపై పడిన ఆటవస్తువును తీసుకోవడానికి వెళ్లాడు. అదే సమయంలో మండల కేంద్రానికి చెందిన ఓ ప్రైవేటు పాఠశాల బస్సు ఆ చిన్నారిని ఢీకొట్టింది. బస్సు ముందు, వెనుక టైర్లు బాలుడిపై నుంచి వెళ్లడంతో అక్కడికక్కడే మృతి చెందాడు. ఈ ఘటనతో తల్లిదండ్రులు కన్నీరుమున్నీరయ్యారు.