గుజరాత్‌లో 175 గ్రామాల్లో 40,000 రైతులకు జీహెచ్‌సీఎల్ ఫౌండేషన్ సహకారం
జీహెచ్‌సీఎల్ లిమిటెడ్ సీఎస్ఆర్ విభాగమైన జీహెచ్‌సీఎల్ ఫౌండేషన్ గుజరాత్‌లోని 175 గ్రామాల్లో 40,000 మందికి పైగా రైతులకు సుస్థిర వ్యవసాయం, సేంద్రియ సాగు, నీటి సంరక్షణ, పంట వైవిధ్యంలో సహకారం అందిస్తోంది. 396 రైతులు సేంద్రియ సాగును చేపట్టారని, 1,413 రైతులకు 40,160 ఉద్యాన మొక్కలు పంపిణీ చేశామని ఫౌండేషన్ తెలిపింది. నితారా సంస్థతో భాగస్వామ్యం ద్వారా 48,287 పశుపోషక రైతులకు డిజిటల్ పశుసంవర్ధక సేవలు అందుతున్నాయి. నితారా వ్యవస్థలో 7,000 మంది రైతులు, 27,000 పశువులు అనుసంధానమయ్యాయి.