ఎస్‌ఐఆర్‌: అభ్యంతరాలు, క్లెయిమ్‌ల గడువు బుధవారంతో ముగింపు
తెలంగాణలో ఎస్‌ఐఆర్‌ ప్రక్రియలో అభ్యంతరాలు, క్లెయిమ్‌ల దరఖాస్తులకు బుధవారం చివరి రోజు. ఆగస్టు 17న ముసాయిదా జాబితా ప్రకటించిన నాటి నుంచే ఎన్నికల కమిషన్‌ వీటిని స్వీకరిస్తోంది. ఎన్యుమరేషన్‌ అనంతరం రాష్ట్రవ్యాప్తంగా 73.39 లక్షల ఓట్లు తొలగిపోయాయి. ఇప్పటివరకు 7,56,180 అభ్యంతరాలు, క్లెయిమ్‌లు వచ్చాయని సీఈవో కార్యాలయం తెలిపింది. వీటిలో హైదరాబాద్‌, రంగారెడ్డి, మేడ్చల్‌ జిల్లాల నుంచే 4,64,685 ఉన్నాయి. కొత్త ఓటు కోసం 4,40,942 మంది దరఖాస్తు చేశారు. 41,776 మాత్రమే పరిష్కారమయ్యాయి, 7,14,401 విచారణలో ఉన్నాయి. పరిష్కారానికి నవంబరు 5 వరకు గడువు ఉంది. నోటీసులు, హియరింగ్‌ నవంబరు 11 వరకు పూర్తి చేసి, నవంబరు 9న తుది జాబితాను కేంద్ర ఎన్నికల సంఘం ప్రకటించనుంది.