స్త్రీ శక్తి పథకంలో 100 కోట్ల ఉచిత ప్రయాణాలు పూర్తి: మంత్రి
ఆంధ్రప్రదేశ్‌లో కూటమి ప్రభుత్వం అమలు చేస్తున్న స్త్రీ శక్తి ఉచిత బస్సు ప్రయాణ పథకం ద్వారా ఇప్పటివరకు 100 కోట్ల ఉచిత ప్రయాణాలు పూర్తయ్యాయని రవాణా, యువజన, క్రీడాశాఖల మంత్రి మండిపల్లి రాంప్రసాద్‌రెడ్డి తెలిపారు. దీనిని చారిత్రాత్మక మైలురాయిగా ఆయన అభివర్ణించారు. మహిళల ఆర్థిక, సామాజిక సాధికారత లక్ష్యంగా ముఖ్యమంత్రి నారా చంద్రబాబు నాయుడు నాయకత్వంలో ఈ పథకాన్ని ప్రారంభించామని చెప్పారు. పథకాన్ని భారంగా కాకుండా బాధ్యతగా భావిస్తూ కొనసాగిస్తామని స్పష్టం చేశారు.