రేణిగుంటలో టౌన్ బస్ సర్వీసుల కొరత, ప్రయాణికుల ఇబ్బందులు
రేణిగుంట ఆర్టీసీ బస్టాండ్‌కు కొన్ని రోజులుగా టౌన్ సర్వీస్ బస్సులు సక్రమంగా రాకపోవడంతో ప్రయాణికులు ఇబ్బందులు పడుతున్నారని తెలిపారు. పట్టణంలోని వివిధ ప్రాంతాలకు వెళ్లేవారు పల్లె వెలుగు బస్సులను ఆశ్రయిస్తుండటంతో రద్దీ పెరిగి, ఉదయం, సాయంత్రం వేళల్లో నిరీక్షించాల్సి వస్తోంది. వృద్ధులు, మహిళలు, విద్యార్థులు మరింత ఇబ్బంది పడుతున్నారని, కొందరు ఆటో డ్రైవర్లు అధిక వసూళ్లకు దిగుతున్నారని ఆరోపించారు. మండల సర్వసభ్య సమావేశాల్లో అన్ని పార్టీల నాయకులు పలుమార్లు ప్రస్తావించినా పరిష్కారం దక్కలేదని, సర్వీసులను వెంటనే పునరుద్ధరించాలని ఆర్టీసీ అధికారులను కోరుతున్నారు.