ఏపీ స్పెషల్ టెట్ 2026 హాల్ టికెట్లు విడుదల
ఆంధ్రప్రదేశ్‌లో ఇన్-సర్వీస్ ఉపాధ్యాయుల కోసం నిర్వహించే ఏపీ స్పెషల్ టెట్ 2026 హాల్ టికెట్లు విడుదలయ్యాయి. పరీక్షలు ఈ నెల 11 నుంచి ప్రారంభమవుతాయని, రోజుకు రెండు సెషన్లలో జరుగుతాయని అధికారులు తెలిపారు. మొదటి సెషన్ ఉదయం 9:30 నుంచి మధ్యాహ్నం 12 గంటల వరకు, రెండో సెషన్ మధ్యాహ్నం 2:30 నుంచి సాయంత్రం 5 గంటల వరకు ఉంటుంది. సెషన్ ప్రారంభానికి గంట ముందే కేంద్రానికి చేరుకోవాలి. రాష్ట్రవ్యాప్తంగా 68,420 మంది ఉపాధ్యాయులు 83,015 దరఖాస్తులు సమర్పించారు. హాల్ టికెట్లను cse.ap.gov.in, tet2dsc.apcfss.in నుంచి పొందవచ్చు.