రేణిగుంటలో జాప్ తిరుపతి, చిత్తూరు జిల్లాల ఎగ్జిక్యూటివ్ సమావేశం
జర్నలిస్ట్ అసోసియేషన్ ఆఫ్ ఆంధ్రప్రదేశ్ (జాప్) తిరుపతి, చిత్తూరు జిల్లాల ఎగ్జిక్యూటివ్ సమావేశం మంగళవారం రేణిగుంట పాత చెక్‌పోస్టు వద్ద ఉన్న జాప్ కార్యాలయంలో జరిగింది. రాష్ట్ర అధ్యక్షుడు రవితేజ, రాష్ట్ర కార్యదర్శి లక్ష్మీపతి పాల్గొని సంఘ కార్యకలాపాలు, జర్నలిస్టుల సమస్యలు, భవిష్యత్ కార్యాచరణపై చర్చించారు. జర్నలిస్టుల సంక్షేమం, వృత్తిపర సమస్యల పరిష్కారానికి సంఘం నిరంతరం కృషి చేస్తోందని వారు తెలిపారు. హక్కులు, సంక్షేమ పథకాలు, గుర్తింపు, భద్రత అంశాలపైనా చర్చ జరిగింది. తిరుపతి జిల్లా అధ్యక్షుడు ప్రభాకర్, చిత్తూరు జిల్లా అధ్యక్షుడు జాన్ తదితరులు హాజరయ్యారు.