దేశంలో తొలి ప్రమాణ్ ధ్రువపత్రాలను అందజేసిన భూపేందర్ యాదవ్
కేంద్ర పర్యావరణ, అటవీ, వాతావరణ మార్పుల శాఖ మంత్రి భూపేందర్ యాదవ్ మంగళవారం న్యూఢిల్లీలో భారత అటవీ, కలప ధ్రువీకరణ పథకం (ఐఎఫ్‌డబ్ల్యూసీఎస్) కింద దేశంలో తొలి ప్రమాణ్ ధ్రువపత్రాలను అందజేశారు. 33,000 హెక్టార్లలో విస్తరించిన ప్లాంటేషన్లకు ఆంధ్రప్రదేశ్ అటవీ అభివృద్ధి సంస్థకు, ఒడిశా వెదురు అభివృద్ధి సంస్థతో అనుబంధమైన వెదురు రైతు గోవింద్ మహాపాత్రకు ఇవి లభించాయి. 2023 డిసెంబర్‌లో ప్రారంభమైన ఈ పథకానికి భోపాల్‌లోని ఐఐఎఫ్ఎం నిర్వహణ సంస్థ. ధ్రువీకరణ స్వతంత్ర తృతీయ పక్ష ఆడిట్ల ఆధారంగా జరుగుతుందని మంత్రి తెలిపారు.