మెరిట్ ఆధారంగా పార్టీ పదవులు ఇవ్వాలని లోకేశ్ ప్రతిపాదన
'మైటీడీపీ' యాప్‌లో ఐదు లేదా అంతకంటే ఎక్కువ సార్లు బెస్ట్ వర్కర్‌గా గుర్తింపు పొందిన కార్యకర్తలకు రాష్ట్ర, జిల్లా స్థాయిలో కొన్ని నామినేటెడ్ పదవులను ఎలాంటి సిఫారసు లేకుండా కేటాయించాలని టీడీపీ వర్కింగ్ ప్రెసిడెంట్ నారా లోకేశ్ యోచిస్తున్నారు. విజయవాడలో తన నివాసంలో మంగళవారం విలేకరులతో ముఖాముఖిలో ఆయన మాట్లాడుతూ, కులం, మతం, ప్రాంతంతో సంబంధం లేకుండా అధిష్ఠానమే కార్యకర్త పనితీరును గుర్తిస్తుందని చెప్పారు. ఈ ప్రతిపాదనను సీఎం చంద్రబాబు నాయుడుకు తెలిపినట్టు వెల్లడించారు. టీడీపీకి కోటి మందికి పైగా సభ్యులు ఉన్నారు, యాప్ డౌన్‌లోడ్లు తొమ్మిది లక్షలు దాటాయి.