ఉరవకొండలో ఎస్‌ఎస్‌ ట్యాంకు గట్టు తెగి నీరు వృథా
అనంతపురం జిల్లా ఉరవకొండ మండలం నింబగల్లు వద్ద ఆర్‌డబ్ల్యూఎస్‌కు చెందిన 90 లక్షల లీటర్ల సామర్థ్యం గల రెండో ఎస్‌ఎస్‌ ట్యాంకు గట్టు శనివారం అర్ధరాత్రి దాటాక తెగిపోయింది. నీరు పొలాలపైకి దూసుకెళ్లి ఆరేడు కిలోమీటర్ల మేర వంకల వెంట ప్రవహించింది; జీబీసీ గట్టు దెబ్బతింది, పంటలు నష్టపోయాయి. గట్టు బలహీనంగా ఉందని రెండేళ్లుగా ఫిర్యాదు చేసినా పట్టించుకోలేదని రైతులు ఆరోపించారు. కంప తొలగించి మరమ్మతులు వేగంగా చేపడతామని ఆర్‌డబ్ల్యూఎస్‌ డీఈఈ అంజుమన్‌ షఫ్రీన్‌ తెలిపారు.