ఏపీ పదో తరగతి ఫలితాలు ఏప్రిల్ 30న ఉదయం 11 గంటలకు
ఆంధ్రప్రదేశ్ పదో తరగతి (ఎస్‌ఎస్‌సీ) ఫలితాలు ఏప్రిల్ 30న ఉదయం 11 గంటలకు విడుదల కానున్నాయి. రాష్ట్ర విద్యాశాఖ మంత్రి నారా లోకేశ్ ‘ఎక్స్’ వేదికగా ఫలితాలను అధికారికంగా ప్రకటిస్తారు. ఈ ఏడాది పరీక్షలు మార్చి 16 నుంచి ఏప్రిల్ 1 వరకు జరిగాయి. రాష్ట్రవ్యాప్తంగా మొత్తం 6,40,916 మంది విద్యార్థులు పరీక్షలు రాశారు. వారిలో బాలురు 3,28,652, బాలికలు 3,12,264. విద్యార్థులు bse.ap.gov.in వెబ్‌సైట్‌లో హాల్ టికెట్ నంబర్ నమోదు చేసి ఫలితాలు చూడవచ్చు. ప్రభుత్వ వాట్సాప్ సేవ నంబర్ 95523 00009 ద్వారా కూడా మార్కుల మెమో పొందవచ్చు.