శ్రీశైలంలో పొరుగుసేవల సిబ్బందికి తక్కువ వేతనాలు చెల్లింపు
శ్రీశైల దేవస్థానంలో పారిశుద్ధ్య, హౌస్‌కీపింగ్‌ విభాగాల్లో పనిచేసే పొరుగుసేవల సిబ్బందికి ఏజెన్సీ తక్కువ వేతనాలు చెల్లిస్తోందని, ఏడాదిలో రూ.90 లక్షలు స్వాహా చేసిందని ఆరోపణలు వచ్చాయి. సెంట్రల్‌ టెండర్‌ విధానంలో ఎంపికైన ఏజెన్సీ గతేడాది అక్టోబరు 1 నుంచి 30.09.2027 వరకు ఒప్పందం కుదుర్చుకుంది. ఒప్పందం ప్రకారం సిబ్బందికి నెలకు రూ.12,253, మేస్త్రీలకు రూ.17,795, సూపర్‌వైజర్లకు రూ.22,154తోపాటు ఈపీఎఫ్, ఈఎస్‌ఐ ఇవ్వాలి. కానీ రూ.10,400 చెల్లించి, రెండు నెలల నుంచి రూ.11,000 ఇస్తున్నారు. పారిశుద్ధ్యంలో 237, వసతి విభాగంలో 276 మంది పనిచేస్తున్నారు.