నెల్లూరు జిల్లాలో టీడీపీలో చేరిన సుమారు 200 వైసీపీ కుటుంబాలు
నెల్లూరు జిల్లా వర్కవిపూడి, విశ్వనాథరావుపేటలో వైఎస్ఆర్ కాంగ్రెస్‌కు మద్దతుగా ఉన్న సుమారు 200 కుటుంబాలు ఆదివారం తెలుగుదేశం పార్టీలో చేరాయి. కూటమి ప్రభుత్వ అభివృద్ధి, సంక్షేమ కార్యక్రమాలే కారణమని వారు తెలిపారు. సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి కండువాలు కప్పి ఆహ్వానించారు. అరుంధతీయ కాలనీలోని 25 కుటుంబాల్లో 21 చేరాయని ఆయన చెప్పారు. బోగోలు మండలంలో కావలి ఎమ్మెల్యే దగుమట్టి కృష్ణారెడ్డి సమక్షంలో వైసీపీ నేత పాసం రవీంద్రబాబుతో కలిసి మరో 20 కుటుంబాలు చేరాయి.